Молитва на каждый день ☦️

Молитва Архистратигу Божию Михаилу Святы‌й и вели‌кий Арха‌нгеле Бо‌жий Михаи‌ле, неисповеди‌мыя и пресу‌щественныя Тро‌ицы пе‌рвый во А‌нгелех предстоя‌телю, ро‌да же челове‌ческаго приста‌вниче и храни‌телю, сокруши‌вый с во‌инствы свои‌ми главу‌ прего‌рдаго денни‌цы на небеси‌ и посрамля‌яй вы‌ну зло‌бу и кова‌рства его‌ на земли‌! К тебе‌ прибега‌ем с ве‌рою и тебе‌ мо‌лимся с любо‌вию: бу‌ди щит несокруши‌м и забра‌ло тве‌рдо Святе‌й Це‌ркви и Правосла‌вному Оте‌чествию на‌шему, огражда‌я их молниено‌сным мече‌м твои‌м от всех враг, ви‌димых и неви‌димых. Не оста‌ви же, о Арха‌нгеле Бо‌жий, по‌мощию и заступле‌нием твои‌м и нас, прославля‌ющих днесь свято‌е и‌мя твое‌: се бо, а‌ще и многогре‌шни есмы, оба‌че не хо‌щем в беззако‌ниих на‌ших поги‌бнути, но е‌же обрати‌тися ко Го‌споду и оживле‌нным быти от Него‌ на дела‌ блага‌я. Озари‌ у‌бо ум наш све‌том лица‌ Бо‌жия, и‌же вы‌ну сия‌ет на молниеви‌днем челе‌ твое‌м, да возмо‌жем разуме‌ти, что есть во‌ля Бо‌жия о нас блага‌я и соверше‌нная, и ве‌дети вся, я‌же подоба‌ет нам твори‌ти и я‌же презира‌ти и оставля‌ти. Укрепи‌ благода‌тию Госпо‌днею сла‌бую во‌лю и немощно‌е произволе‌ние на‌ше, да, утверди‌вшеся в зако‌не Госпо‌днем, преста‌нем про‌чее вла‌ятися земны‌ми по‌мыслы и похоте‌нии пло‌ти, увлека‌ющеся, по подо‌бию несмы‌сленных дете‌й, скороги‌бнущими красо‌тами ми‌ра сего‌, я‌ко ра‌ди тле‌ннаго и земна‌го безу‌мне забыва‌ти ве‌чная и небе‌сная. Над все‌ми же си‌ми испроси‌ нам Свы‌ше дух и‌стиннаго покая‌ния, нелицеме‌рную печа‌ль по Бо‌зе и сокруше‌ние о гресе‌х на‌ших, да остаю‌щее нам число‌ дней вре‌меннаго живота‌ на‌шего иждиве‌м не во угожде‌нии чувств и рабо‌те страсте‌м на‌шим, но во изглажде‌нии зол, соде‌янных на‌ми, слеза‌ми ве‌ры и сокруше‌ния серде‌чнаго, по‌двигами чистоты‌ и святы‌ми дела‌ми милосе‌рдия. Егда‌ же прибли‌зится час оконча‌ния на‌шего, освобожде‌ния от уз бре‌ннаго сего‌ телесе‌, не оста‌ви нас, Арха‌нгеле Бо‌жий, беззащи‌тных проти‌ву духо‌в зло‌бы поднебе‌сных, обы‌кших прегражда‌ти душе‌ челове‌честей восхо‌д в го‌рняя, да, охраня‌еми тобо‌ю, безпреткнове‌нне дости‌гнем о‌ных пресла‌вных селе‌ний ра‌йских, иде‌же несть печа‌ль, ни воздыха‌ние, но жизнь безконе‌чная, и, сподо‌бльшеся узре‌ти пресве‌тлое лице‌ Всеблага‌го Го‌спода и Влады‌ки на‌шего, па‌дше со слеза‌ми у ног Его‌, в ра‌дости и умиле‌нии воскли‌кнем: сла‌ва Тебе‌, дража‌йший Искупи‌телю наш, И‌же за премно‌гую любо‌вь Твою‌ к нам, недосто‌йным, благоволи‌л еси‌ посла‌ти А‌нгелы Твоя‌ в служе‌ние спасе‌нию на‌шему! Ами‌нь.

Богородице, Ты еси упование мое, Ты ми еси Стена и благонадежное пристанище и спасительное прибежище, утомляемому страстей нахождением. Спаси мя от всех враг моих, гонящих душу мою и ловящих ю различными искушении: на пути бо сем, по нему же хожду, многия сети скрыша ми; многия соблазны, многия неудобства, многая прелести, многия немощи, душевныя и телесныя, уловляют мя в падения греховныя. И уже аз, окаянный, впадох в сети вражия, и связан, и держим есмь ими: и что сотворю, отчаянный аз, недоумею. Аще бо восхощу покаятися, нечувствием и ожесточением одержим есмь; аще же плакати понуждаюся, не имам сокрушения сердечнаго и слез ни поне единыя капли. Увы окаянства моего! Увы бедности моей! Увы лишения моего! К кому убо прибегну повинный аз? Токмо к Тебе, Благоутробная Мати Господа и Спаса нашего, ненадежных Надеждо, Стено и Покрове к Тебе притекающих! Не отрини убо мене блуднаго, не возгнушайся мене сквернаго: Тебе бо едину в жизни моей стяжах утеху, Дево Марие Богородице, и к Тебе единей во всякой нужде прибегаю со дерзновением: не остави убо мене в жизни сей и во время смерти моея, предстани в помощь. Помощнице моя, да узрят Тя вси врази мои и постыдятся, Тобою побежденнии, Владычице, Ходатаице спасения моего. Аминь

Друзья, напоминаю, что вот-вот вновь откроет свои двери наша детская воскресная школа, в которой учатся 40 детей! В связи с этим еще раз хочу намекнуть, что если кто-то из вас хочет угостить наших деток какими-нибудь вкусняшками, то мы всегда будем рады забрать их на Wildberries или Озоне г. Мосальска! 😉 Присылайте всё, что заблагорассудится - наши дети всё стопчут - и сладкое, и соленое, и печенья, и сушеные фрукты, всё-всё 🤗 Некоторые наши детки кушают сладкое только раз в неделю в воскресной школе... 📍Адрес Озона: г. Мосальск, Калужская обл., ул. Ленина, 52. 📍Адрес ВБ: г. Мосальск, Калужская обл., Советская, 7. Когда определитесь с заказом, пришлите моей помощнице его штрихкод на её Макс/Telegram по номеру: 89004869065 ‼️ Не надо переводить на ее карту деньги и не дублируйте сообщения в несколько мессенджеров. И не забудьте поменять адрес доставки, когда будете в следующий раз заказывать что-нибудь себе. А то мы уже не раз отказывались от ваших шампуней и колготок 🙈😁 П.С. Канцтовары тоже можно присылать))

Молитва святителю Иоасафу Белгородскому О святителю Христов Иоасафе, чудотворче Белоградский! Веруем грешнии и недостойнии, яко очи Господни на праведных и уши Его на молитву их, и того ради к молитвам твоим прибегаем и ходатайства твоего за нас просим, по глаголу апостольскому уповающе, яко любы твоея николиже отпадает. Во гресех и болезнех наших льну курящемуся и трости сокрушенней уподобихомся, и, аще живем, милостию Бога живем и за молитвы праведник Его. Приклони убо и ты, отче праведне, сердце твое к молению нашему, и предстательством твоим даждь роду христианскому от Господа мир и благословение. Православие укрепи, нападения же лукавнующих и беззаконных на церковь Божию отжени. Умоли Отца небеснаго избавитися нам от нашествия вражескаго, от междоусобий же и смятений народных, от губительных поветрий и смертоносныя язвы, от глада, огня, потопа и иных бед и обстояний. Испроси у Христа Бога душам нашим крепость и телесем нашим потребное здравие, болезнем же исцеление: хромым хождение, слепым прозрение, разслабленным утверждение, печальным утешение и от всех скорбей избавление. Отпадшыя же лозы Христовы ветви паки с тою соедини, еяже и сам причастник быти сподобился еси, да тако прославится тобою пречестное и великолепое имя Бога нашего, Отца и Сына и Святаго Духа, ныне и присно и во веки веков. Аминь.

Молитва Пресвятой Богородице перед иконою «Неопалимая Купина» О, Пресвя́тая и Преблагослове́нная Ма́ти Сладча́йшаго Го́спода на́шего Иису́са Христа́! Припа́даем и поклоня́емся Тебе́ пред свято́ю и пречестно́ю ико́ною Твое́ю, е́юже ди́вны и пресла́вны чудеса́ содева́еши, от о́гненнаго запале́ния и молниено́снаго гро́ма жили́ща на́ша спаса́вши, неду́жныя исцеля́еши и вся́кое благо́е проше́ние на́ше во бла́го исполня́еши. Смире́нно мо́лим Тя, всеси́льная ро́да на́шего Засту́пнице, сподо́би ны немощны́я и гре́шныя Твоего́ Ма́терняго уча́стия и благопопече́ния. Спаси́ и сохрани́, Влады́чице, под кро́вом ми́лости Твоея́ Це́рковь Святу́ю, оби́тель сию́, всю страну́ на́шу правосла́вную, и вся ны припа́дающия к Тебе́ с ве́рою и любо́вию, и умиле́нно прося́щия со слеза́ми Твоего́ заступле́ния. Ей, Госпоже́ Всеми́лостивая, умилосе́рдися на нас, обурева́емых греха́ми мно́гими и не иму́щих дерзнове́ния ко Христу́ Го́споду, проси́ти Его о поми́ловании и проще́нии, но Тебе́ предлага́ем к Нему́ на умоле́ние Ма́терь Его́ по пло́ти: Ты же, Всеблага́я, простри́ к Нему́ Богоприи́мнии ру́це Твои́ и предста́тельствуй за нас пред Бла́гостию Его́, прося́ще нам проще́ния прегреше́ний на́ших, благоче́стнаго ми́рнаго жития́, благи́я христиа́нския кончи́ны, и до́браго отве́та на стра́шнем Суде́ Его́. В час же гро́знаго посеще́ния Бо́жия, егда́ огне́м возгоря́тся до́мы на́ша, или молниено́сным гро́мом устраша́еми бу́дем, яви́ нам ми́лостивное Твое́ заступле́ние и держа́вное вспоможе́ние: да спаса́еми всеси́льными Твои́ми ко Го́споду моли́твами вре́меннаго наказа́ния Бо́жия зде избе́гнем и ве́чное блаже́нство ра́йское та́мо унасле́дуем: и со все́ми святы́ми воспое́м Пречестно́е и Великоле́пное Имя поклоня́емые Тро́ицы, Отца́ и Сы́на и Свята́го Ду́ха, и Твое́ ве́лие к нам милосе́рдие, во ве́ки веко́в. Ами́нь

Молитва ко Пресвятой Богородице преподобного Нила Сорского От скверных уст приими моление, о Нескверная, Чистая и Пречистая Дево Богородице, и не возгнушайся моих словес, о Радосте моя, но призри на мя и помилуй мя, Мати Зиждителя моего. Во время живота моего не остави мене: веси бо, Владычице, яко на Тя всю мою надежду возлагаю и все упование мое о Тебе есть. Темже и во время смерти моея предстани ми. Помощнице моя, Радосте и Сладосте моя: не остави мене тогда, Надежде моя, и не посрами мене тогда. Вем бо, вем, Дево, яко многим грехом повинен есмь, окаянный, и трепещу, помышляя час оный; но, Радосте моя, яви ми тогда лице Твое, удиви на мне милость Твою, Ходатаице спасения моего; изми мя, Владычице, от лютости бесовския и страшнаго и грознаго испытания воздушных духов, и злобы их избави, и всю тогдашнюю скорбь и печаль на радость преложи Твоим присещением. И сподоби безбедно прейти ми начала и власти тьмы, и достигнути поклонитися на Престоле Славы сидящему Христу и Богу нашему, со Безначальным Его Отцем и Пресвятым Духом, во веки. Аминь

😀Дорогие мои, состоялся старт продаж моей долгожданной книжной новинки!🤩 Я собрал для вас в одной книге 100 самых острых вопросов о семье, вере и любви — тех самых, которые вы задаёте мне каждый день: как сохранить брак, пережить кризисы, воспитать детей без надрыва и не потерять главное. Без нравоучений. Честно, с юмором и по-человечески. Внутри — живые истории, молитвы, мудрые «береговушки» и разговор о том, что волнует каждого, кто хочет построить крепкий Дом, а не просто красивую картинку семьи. Эта книга — для молодоженов, супругов с опытом и всех, кто ищет опору в непростое время. 🛍 Если долго ждали — дождались. Книга уже в продаже на WILDBERRIES ⬅️

Молитва Пресвятой Богородице перед иконою «Калужская» О Пресвята‌я Влады‌чице Богоро‌дице, Цари‌це Небеси‌ и земли‌! К Тебе‌ прибега‌ем и к Твое‌й по‌мощи взыва‌ем: сохрани‌ зе‌млю на‌шу от наше‌ствия враго‌в иноплеме‌нных, и от вся‌кия боле‌зни душе‌вныя и теле‌сныя, и от смертоно‌сныя я‌звы, да всегда‌ пое‌м, велича‌ем и сла‌вим Тя, Пресвяту‌ю Богоро‌дицу, я‌ко благу‌ю и Ди‌вную Засту‌пницу на‌шу во ве‌ки веко‌в. Ами‌нь

Молитва преподобному Симеону Столпнику О святый и великий угодниче Божий Симеоне! Подвигом добрым подвизався на земли, восприял еси на небесех венец правды, егоже уготовал есть Господь всем любящим Его. Темже, взирающе на святый твой образ, радуемся о преславнем скончании жительства твоего и чтим святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и присно и во веки веков. Аминь

Молитва пророку Иоанну, Предтечи и Крестителю Господню Крести‌телю Христо‌в, честны‌й Предте‌че, кра‌йний проро‌че, пе‌рвый му‌чениче, по‌стников и пусты‌нников наста‌вниче, чистоты‌ учи‌телю и бли‌жний дру‌же Христо‌в! Тя молю‌, и тебе‌ прибега‌ю не отри‌ни мене‌ от твоего‌ заступле‌ния, не оста‌ви мя па‌дшего мно‌гими грехи‌; обнови‌ ду‌шу мою‌ покая‌нием, я‌ко вторы‌м креще‌нием; очи‌сти мя, грехи‌ оскверне‌ннаго, и пону‌ди вни‌ти, а‌може ничто‌же скве‌рно вхо‌дит, в Ца‌рствие Небе‌сное. Ами‌нь