FACTOR TV

⚡️Ակնհայտ է, որ Գագիկ Ծառուկյանի նկատմամբ քրեական հետապնդման, նրա բնակարանում և ընկերություններում այսօր վաղ առավոտից իրականացվող խուզարկությունների, ինչպես նաև քիչ առաջ տեղի ունեցած ձերբակալության հիմքում Կառավարության ղեկավարի քաղաքական հրահանգն է։ Հարցը Գագիկ Ծառուկյանի անձը չէ։ Հարցը շատ ավելի խորքային է․ երկրի իրավական համակարգում փաստացի չի գործում հակակշիռների համակարգը։ Այս ամենը սկզբունքորեն հակադրվում է ժողովրդավարության և իրավունքի գերակայության պահանջներին: «Միասնության թևեր» կուսակցություն

❗️«Ուժեղ Հայաստան» դաշինքը դատապարտում է գործող իշխանությունների կողմից «Բարգավաճ Հայաստան» կուսակցության առաջնորդ Գագիկ Ծառուկյանի նկատմամբ իրականացվող քաղաքական բռնաճնշումներն ու նրան պատկանող ձեռնարկություններում տեղի ունեցած խուզարկությունները: Սա երկրում շարունակվող քաղաքական զանգվածային հետապնդումների հերթական օրինակն է։ «Ուժեղ Հայաստան» դաշինք

🍑Մարթա Կոսը հայկական ծիրանից ջեմ է պատրաստել ⚡️ԵՄ ընդլայնման հարցերով հանձնակատարը ֆեյսբուքյան իր էջում գրել է․ «Ծիրանը խորհրդանշում է այն փոփոխությունը, որը տեղի է ունենում Հայաստանում։ Անցյալ ամսվա ընտրություններում հայաստանցիների մեծամասնությունը քվեարկեց այն կուսակցությունների օգտին, որոնք ցանկանում են ավելի սերտ համագործակցություն ունենալ Եվրամիության հետ։ Ռուսաստանը փորձել էր ազդել ընտրությունների վրա՝ սահմանափակելով հայկական մրգերի և ծաղիկների ներմուծումը։ Ի պատասխան՝ Եվրամիությունը աջակցեց Հայաստանին՝ բացելով իր շուկան այդ ապրանքներից շատերի համար։ Ահա թե ինչու, երբ անցյալ շաբաթ Հայաստանում էի, Բրյուսել վերադարձա հայկական ծիրանով լի մեծ զամբյուղով։ Դրանցից շատերը նվիրեցի ընկերներիս, իսկ մնացածից ջեմ պատրաստեցի։ Ընկերներիցս մեկը նայեց ջեմին ու ասաց. «Ազատության տարաներ»։ Կարծում եմ՝ դա շատ գեղեցիկ ձևակերպում էր։ Երբ սուպերմարկետ գնաք, ուշադրություն դարձրեք հայկական ծիրանին, սալորին կամ բալին։ Դա փոքր քայլ է, որը կարող է օգնել հայ ֆերմերներին և աջակցել իրենց երկրի ժողովրդավարական ընտրությանը»։

❗️Վայրի կենդանի կամ թռչուն ապօրինի որսալու դեպքի առթիվ նախաձեռնված քրեական վարույթի նախաքննության ընթացքում Գագիկ Ծառուկյանին պատկանող առանձնատնից առգրավվել են տարբեր կենդանիների և թռչունների 190 հատ խրտվիլակ, ինչպես նաև 3 առյուծ և 1 վագր, որոնք ճանաչվել են որպես իրեղեն ապացույց և տեղափոխվել կենդանաբանական այգի։ 📌Ապօրինի որսի հետևանքով շրջակա միջավայրին պատճառվել է 30 մլն ՀՀ դրամի վնաս: 🖇Ծառուկյանի առանձնատանը պահվող մյուս կենդանիները նախատեսվում է առգարվվել և պատասխանատու պահպանությանը հանձնել հաջորդող օրերին: Քննչական կոմիտե

⚡️Ռուսաստանն առաջին անգամ Ադրբեջանով տարանցիկ ճանապարհով Հայաստան է մատակարարել ավելի քան 1 հազար տոննա պրոպան, հայտնել են ադրբեջանական լրատվամիջոցները։ ❗️Պրոպանով բեռնված 30 վագոն հուլիսի 6-ին ուղարկվել է Բալաջարի կայարանից դեպի Բեուք-Քյասիք, որը գտնվում է Ադրբեջանի և Հայաստանի սահմանին։

❗️Հայաստանի Հանրապետության ընդդիմադիր ուժերը վճռականորեն դատապարտում են այսօրվա իշխանությունների կողմից «Բարգավաճ Հայաստան» կուսակցության առաջնորդ Գագիկ Ծառուկյանի նկատմամբ իրականացվող բռնաճնշումները, ինչպես նաև նրան պատկանող ձեռնարկություններում իրականացվող խուզարկությունները։ Հայ Հեղափոխական Դաշնակցություն «Հայաքվե» ազգային քաղաքացիական միավորում «Հայ ազգային կոնգրես» կուսակցություն Հայաստանի հանրապետական կուսակցություն «Բարգավաճ Հայաստան» կուսակցություն «Դեմոկրատական այլընտրանք» կուսակցություն «Մայր Հայաստան» կուսակցություն Հայաստանի դեմոկրատական կուսակցություն

❗️Ծառուկյանի առյուծներին տեղափոխել են կենդանաբանական այգի

«Ընտրական օրենսգրքի փոփոխությունները հակասահմանադրական են». «Անկախ դիտորդ»

🟧 Առանձնապես խոշոր չափերով խարդախություն և փողերի լվացում կատարելու մեղադրանքով Ծառուկյանը և հանցավոր խմբի ևս մեկ անդամ ձերբակալվել են։ Քննչական կոմիտե

Թոշակ՝ 67 տարեկանից, 11 մլն դոլար ՔՊ-ին՝ ԵՏՄ-ից․ կեղծ պատմություն՝ իրար հետ կապ չունեցող պնդումներով․ ՏԵՍԱՆՅՈՒԹ